墟墟冚冚（热热闹闹）嘅性文化节卒之（终于）落幕，有专家爆料：我国大学生嘅性知识水平只能畀（给）66分。成绩真系麻麻（一般般），不过好彩都算合格，可以返去同阿爸阿妈交代啦。专家又话，性教育嘅理想途径应系学校和家庭，但实际上而家（现在）嘅学生都系通过书本自学成才，睇来好多家长都係（在）性教育上偷鸡（偷懒），如果专家要同佢哋打个分，可能好多家长都要“肥佬”（不合格）。

　　唔少家长会好无辜咁话：咁都冇计（这也没办法），我们中国人不搂（一向）都咁含蓄，呢啲问题真系唔好意思同细路（孩子）讲。笔者细个嗰时（小时候），阿爸阿妈从来唔同我讲呢啲，但系《家庭》、《人之初》等杂志就任睇，经过多年研读，上大学时係宿舍同学中居然堪称“博士”，唔似（不像）有个北方女仔，直到上大学仲以为自己真系从阿妈嘅胳肋底（胳肢窝）度（那里）出来嘅。

　　到我们呢代人做佐家长，个个都知道性教育好重要，听讲仲有家长带住三岁嘅小朋友去参观性文化节，不过计我话，性教育是长期工程，家长实在唔使咁禽青（急不可耐）。睇下性文化节嘅内容：内衣秀、合欢床、情趣娃娃……咪话（别说）三岁嘅细路仔，就系十几岁嘅青少年也未必合适去嗰度接受性教育。而专家讨论嘅“一夫一妻制必将消亡”、“换偶是否公民权利”等，估计系大人先至（才）感兴趣嘅话题。可怜我们嘅细路，平时连“自己係边度来（从哪里来）”嘅问题都唔知去问边个（谁），一旦接触“换偶”咁嘅大胆观念，没辨别能力嘅就会觉得好前卫而全盘接受，咁对佢哋未必系好事。

　　我个仔而家未到两岁，把口成日鸡啄唔断（嘴巴整天说个没完），估计好快就会问到“我係边度来”咁嘅问题，虽然仲未谂好点答，不过我就决定，而家开始同佢读多啲《白雪公主》、《灰姑娘》、《小王子》，等佢明白美好的两性关系讲究嘅系专一、排他，费事（免得）佢第日（以后）失惊无神（突然）整句“换偶”，吓亲（吓着）我呢个做阿妈嘅啦！（兰叶）