艺人李佳芯（Ali）昨日（30号）着露腰装出席「建华企业慈善跑2024」活动，她在台上透露爱上跑步的原因，是12年前正值人生低潮，没有工作要日日望天打挂下，惟有跑步打发时间。
但现时因续约问题，工作量较低的她却不觉得再遇低潮，她说：「都唔系呀，我唔知外面点样用工作量衡量我，但依家好enjoy自己嘅工作步伐，想有多啲自己嘅时间，我都有project做紧，迟啲同大家分享。（个Project同无线有关？）系自己嘢。」她又说现时多数做瑜伽及打网球，因为跑步和做Gym都易令她激瘦，指黎诺懿曾带她去做Gym练背肌，发觉她缺乏蛋白质，建议每日食10只蛋增肌，但她听见数量都怕：「我只可以食两只蛋。」
问到为何缺席台庆？她直言：「嗰时我冇收到通知，同埋我去咗读短期课程，都唔喺香港，（你冇预留时间做台庆？）咁个课程日子都好弹性嘅，其实都唔系得我一个缺席，（传有喜嘅汤洛雯同怀孕嘅黄翠如冇去啰）或者我系同一个原因，（有喜？）唔系、唔系，我都想有喜讯同大家公布。 」
同追求者发展成点 ：「唔知呀 ，希望下次同大家分享啦，其实拍拖都系由朋友开始，朋友唔会有目的先去做。」问到和无线的续约进度，她依然说未有新发展，觉得倾合约是双方面，并非自己要求高：「系条件未倾好，觉得人唔同嘅阶段有唔同嘅要求，依家我想多啲时间做自己嘢。」
同场的车婉婉近日身体抱恙，但因要上台唱歌为健儿打气，所以急看医生救声，她说：「应该系6日前录像《中年好声音3》时中招，事前唔知有参赛者病咗，一个发烧，另一个失声，我仲好近佢哋，第二日就发现自己都有啲喉咙痛，初时用偏方饮悉尼水自医，但我唔想影响表现，所以寻日咪去看医生， 医生话系流感，畀咗啲令我好精神嘅药我食， 所以依家顶得住。」
婉婉透露将起程往纽约准备举行演唱会，囝囝亦会同行：「因为工人姐姐放长假，所以带埋个仔去一齐过圣诞、探亲同庆祝我生日，原来我已经30几年冇去探住喺俄亥俄嘅哥哥，（生日点庆祝？）挑战自己从未做过嘅嘢，想试吓滑雪，不过喺平啲嘅雪地滑，或者去自由神像打卡 ，睇吓嗰度有几大风。」
大家设置“星标”就能第一时间收到啦！
点亮 “在看”和 “赞”，
也可以帮我们提高阅读量哦！
谢谢大家，今后也让我们一起愉快吃瓜吧~返回搜狐，查看更多