 |
| |
新快报迅（记者任磊斌）哪，如果睇到我哋嘅报道，又有时间嘅话，咿家马上去车陂啦，车陂廿几只龙船上昼10点正开始比赛啊。现场会好多人嘎，要注意安全啵。
要去车陂，行中山大道就喺“车陂路口”落车，行黄埔大道嘅话，可以直接入到车陂路落车。入咗村之后，问吓人涌边点行就得啦。比赛河段大概600米倒（左右），大概喺两条人行桥之间。
喺龙船大鼓舱前面，会装有一个带柜桶（抽屉）嘅红色神龛，叫做神斗。神斗柜桶里面放嘅係往来嘅请柬，就好似足球比赛开波前交换队旗咁，龙舟拜访人地村，或者人地拜访自己，都要交换请柬，係种礼节嚟嘎。
但神斗里面仲会放好多炮仗（爆竹），龙船行到边（哪里），炮仗烧到边，所以，大家见到船上面嘅人伸手入神斗柜桶嗰时，好掩定耳仔喇。如果无时间去，听日睇番我哋《新快报》嘅报道都得。
图：昨日，很多地方的龙舟队都在加紧训练。新快报记者黄巍俊/摄 |
|
|
精彩生活 
