报载，上周末广州“最靓经适房”申购现场，依旧人头攒动。但其中却有啲忧悒，经适房价格相对商品房睇落都几平，但几多申请者仍好难啃得落肚，两口之家月入三千都难买得起，结果就搞得几尴尬，即系评分越高，家庭越困难；越有资格申购，越担心买唔起。

　　有街坊就话，首期近10万元，硬啃落去可能真系“倾家荡产”，咁讲其实一啲都唔夸张。报纸上举着一个叶先生夫妇嘅例子：三口之家喺革新路一间20平方米嘅房里租住着一年，叶先生天天打地铺，即使系咁简陋嘅房子都需要600元月租。咁样嘅“贫下中农”按理梗喺经适房入住嘅绝对人选，但系假如叶先生一家真系硬顶买咗房，到时可能唔止“倾家荡产”，仲要惹得一身债，以后嘅日子又点捱？

　　所以，呢啲“经适房”睇似“经适”，但实际好似相反。虽然咁讲语气有啲过火，但实情就系咁样。假如有关部门真系确实有为穷人着想，我谂至少应该建多啲廉租房。而且即使系“经适房”，都应该多考虑从贷款门槛等政策同埋制度上多啲安排，比如绝对唔可能走买商品房首期付三成呢条老路，而系多啲似贫困大学生助学贷款呢类优惠政策。更加重要嘅系降低地价，降低房价，而且如果真系想配得上“政府保障性住房”呢个称号，我噉大让利，大平卖都系应尽之责啩。 (来源：信息时报)